Tveir fiskar, fimm brauð

Í sumar skrapp ég á Þingvelli og veiddi mjög fallegar bleikjur á nýju flugustöngina mína og datt þá í hug að framkvæma gamla hugmynd, að mála 2 fiska og fimm brauð, svona nett biblíutilvísun, ég er svolítið svag fyrir slíku. Tók ca. 40 myndir af fiskunum því ég er það lengi að mála að vinnustofan væri farin að lykta illa ef ég hefði ætlað að láta fyrirsæturnar liggja þar til verkið væri búið.